Arduan
Pipekuroniy bromid (pipecuronium bromide)
Tavsif
Arduan — uzoq ta'sir etuvchi periferik miorelaksant dori vositasi. U jarrohlik amaliyotlari va sun'iy nafas berish sharoitida skelet mushaklarini bo'shashtirish hamda endotraxeal intubatsiyani amalga oshirish uchun shifoxona sharoitida qo'llaniladi.
Tarkibi
1 flakon saqlaydi: faol modda: pipekuroniy bromid – 4 mg; yordamchi moddalar: mannitol, xlorid kislotasi eritmasi 10%, natriy gidroksidi eritmasi 10%. Erituvchi: natriy xlorid, in'eksiya uchun suv, xlorid kislotasi eritmasi 10%, natriy gidroksidi eritmasi 10%.
Qo'llanilishi
Kattalar va 3 oylikdan katta bolalarda: 20-30 daqiqadan ortiq miorelaksatsiyani talab qiladigan turli jarrohlik operatsiyalari va sun'iy nafas oldirish (IVL) sharoitida umumiy anesteziya vaqtida endotraxeal intubatsiya va skelet mushaklarini bo'shashtirish uchun qo'llaniladi.
Qo'llash usuli va dozasi
Faqat vena ichiga yuboriladi. Boshqa eritmalar bilan bitta shpritsda aralashtirish taqiqlanadi. Doza individual tanlanadi. Kattalar va 14 yoshdan katta bolalar uchun: - Intubatsiya va keyingi operatsiya uchun boshlang'ich doza: 60-80 mkg/kg (150-180 soniyada intubatsiyaga sharoit yaratadi, ta'sir davomiyligi 60-90 min). - Suksametoniydan foydalangan holda intubatsiyada boshlang'ich doza: 50 mkg/kg (30-60 min miorelaksatsiya). - Tutib turuvchi doza: 10-20 mkg/kg (30-60 min miorelaksatsiya). Surunkali buyrak yetishmovchiligida doza KK ko'rsatkichiga qarab to'g'rilanadi (40 mkg/kg dan oshirmaslik tavsiya etiladi). Bolalar: - 3 oylikdan 12 oylikkacha: 40 mkg/kg (10-44 min miorelaksatsiya). - 1 yoshdan 14 yoshgacha: 50-60 mkg/kg (18-52 min miorelaksatsiya).
Yon ta'sirlari
Nafas etishmovchiligi (apnoe), skelet mushaklari falaji, mushak kuchsizligi, anafilaktik va anafilaktoid reaksiyalar, gipotenziya, gipertenziya, bradikardiya, aritmiya, taxikardiya, miokard shemiyasi, bronxospazm, laringospazm, terida toshma, eshakemi, qon laborator ko'rsatkichlarining o'zgarishi (kreatinin, kaliy, glyukoza, mochevina o'zgarishi).
Qo'llash mumkin bo'lmagan holatlar
Pipekuroniy bromidga, bromga yoki preparatning har qanday yordamchi komponentiga yuqori sezuvchanlik; og'ir jigar yetishmovchiligi; 3 oylikkacha bo'lgan bolalar. Homiladorlik va emizish davrida qo'llash tavsiya etilmaydi.
Qaysi dorixonada bor
- Pharm Innovation sifat — 6 400 000 so'm
- Salomat Sifat — 8 000 000 so'm