Osteogenon (Osteogenon)

Comb.drug (osseine hydroxyapatite) — ossein-gidroksiapatit birikmasi

Ishlab chiqaruvchi: Pierre Fabre Medicament Production, Fransiya

Tarkibi

Har bir qobiq bilan qoplangan tabletka tarkibida: Tabletka yadrosi — Faol modda: Ossein-gidroksiapatit birikmasi (OGB) — 830 mg (quruq substansiyaga nisbatan), bu quyidagilarga mos keladi: Ossein — taxminan 291 mg, tarkibida nokollagenli peptidlar/proteinlar — 75 mg; kollagenlar — 216 mg; Kalsiy gidroksifosfat (gidroksiapatit) — taxminan 444 mg, tarkibida kalsiy — 178 mg; fosfor — 82 mg. Yordamchi moddalar: mikrokristalli sellyuloza, kolloid kremniy dioksidi, magniy stearati, kartoshka kraxmali. Tabletka qobig'i: gidroksipropilmetilsellyuloza, titan dioksidi, polietilenglikol, talk, sariq temir oksidi.

Qo'llanilishi

- turli etiologiyali osteoporozni davolash; - homiladorlik va emizish davrida kalsiy-fosfor balansini korreksiya qilish; - suyak sinishlarini bitishini tezlashtirish.

Qo'llash usuli va dozasi

Osteogenon kattalar va 6 yoshdan oshgan bolalarga buyuriladi. - Osteoroz vaqtida sutkada 2 marta 2-4 tabletkadan; - homiladorlik va emizish davrida kalsiy-fosfor balansini korreksiya qilishda sutkada 1-2 tabletka; - bolalarda (6 yoshdan oshgan) sinishlarda yondosh terapiya sifatida sutkada 2 marta 1 tabletkadan; - kattalarda sinishlarda yondosh terapiya sifatida sutkada 3 marta 2 tabletkadan; Tabletkalar oz miqdorda suv bilan yutiladi.

Yon ta'sirlari

Barcha dori vositalari kabi, Osteogenon ham nojo'ya ta'sirlarni keltirib chiqarishi mumkin, garchi ular hammada ham namoyon bo'lmasa ham. Quyidagi nojo'ya ta'sirlar aniqlangan, garchi ularning aniq paydo bo'lish chastotasini aniqlab bo'lmasa va shu sababli ular noma'lum chastota bilan namoyon bo'luvchilar deb tasniflanadi: - preparatning yuqori dozalari bilan uzoq muddatli davolash qonda yoki siydikda kalsiy konsentratsiyasini oshirishi mumkin (giperkalsemiya va giperkalsiuriya); - qorin og'rig'i, qabziyat, ko'ngil aynishi; - kamdan-kam hollarda allergik reaksiyalar — qichishish, toshma paydo bo'lishi mumkin.

Qo'llash mumkin bo'lmagan holatlar

• Osteogenonni preparat komponentlaridan biriga yuqori sezuvchanligi bo'lgan bemorlarda qo'llab bo'lmaydi; • Giperkalsemiya va giperkalsiuriya; • Kalsiy toshlari; • Juda uzoq muddatli immobilizatsiya; • 6 yoshgacha bo'lgan bolalar (dozalash shakli sababli); • Og'ir shaklli buyrak yetishmovchiligi bo'lgan bemorlar va gemodializdagi bemorlar.