Dorixonangizni C Apteka'ga ulash — @captekahamkor_bot orqali to'liq qo'llanma
Farmatsevtika · 03.08.2026
C Apteka — mijoz kerakli dorini qaysi dorixonada bor va qanchaligini bir qidiruvda topadigan platforma. Dorixonangiz ulangach, sizning dori ro'yxatingiz ham shu qidiruvda chiqa boshlaydi.
Ulanish Telegram orqali bo'ladi — @captekahamkor_bot. Dastur o'rnatish yoki ofisga borish shart emas.
Hozir ulanish bepul — ulangan kuningizdan boshlab 5 oy.
───────────────────
NIMA TAYYORLAB QO'YASIZ
Boshlashdan oldin qo'lingizda bo'lsin: • Dorixona litsenziyasi — raqami va rasmi (yoki PDF fayli) • Manzil va telefon raqami • Ish vaqti • Dori ro'yxati — Excel (.xlsx) faylida
───────────────────
BOSHLASH
Telegramda @captekahamkor_bot ni oching va «Start» ni bosing. Bot ikkita yo'l taklif qiladi — qaysi biri sizga tegishli ekanini quyidan aniqlang.
───────────────────
1-YO'L. KOD BILAN ULANISH (bir daqiqada)
Agar biz bilan avval gaplashgan bo'lsangiz va sizga 6 belgili ulanish kodi berilgan bo'lsa — eng tez yo'l shu.
1. «🔗 Kod bilan ulanish» tugmasini bosing 2. 6 belgili kodni to'liq yozing va yuboring 3. Tayyor — dorixonangiz darhol ulanadi
Kodni to'liq kiriting: kam belgi yozilsa bot qabul qilmaydi.
───────────────────
2-YO'L. RO'YXATDAN O'TISH (kodingiz bo'lmasa)
«📝 Ro'yxatdan o'tish» tugmasini bosing. Bot ketma-ket savol beradi:
1. Dorixona nomi 2. Viloyat — ro'yxatdan tanlaysiz 3. Tuman — ro'yxatdan tanlaysiz (bo'lmasa «⏭ O'tkazib yuborish») 4. Manzil — ko'cha va uy raqami 5. Mo'ljal — yonidagi belgili joy (ixtiyoriy) 6. Telefon — «📞 Telefonni ulashish» tugmasi bilan yoki qo'lda 7. Ish vaqti — «🕐 24 soat» yoki 09:00-21:00 ko'rinishida 8. Joylashuv — «📍 Joylashuvni ulashish». Bu xaritada ko'rinadi va mijoz sizni shu orqali topadi, o'tkazib yubormang 9. Litsenziya raqami 10. Litsenziya hujjati — rasm yoki PDF 11. Profil rasmi — dorixona ko'rinishi
Oxirida bot hamma ma'lumotni bitta ro'yxat qilib ko'rsatadi: • To'g'ri bo'lsa — «✅ Yuborish» • Xato bo'lsa — «✏️ Tahrirlash», keyin faqat kerakli maydonni tanlab tuzatasiz
Yuborgach ariza adminga tushadi. Tekshirilgandan so'ng tasdiq haqida xabar shu botning o'zida keladi.
Adashib ketsangiz — /bekor buyrug'i joriy amalni to'xtatadi.
───────────────────
TASDIQDAN KEYIN: DORI RO'YXATINI YUKLASH
Dorixonangiz tasdiqlangach, Excel faylini shunchaki botga tashlang — alohida tugma bosish shart emas.
Fayl .xlsx yoki .xls ko'rinishida bo'lsin, ichida dori nomi, narxi va qoldig'i turgan bo'lsin. Boshqa hech narsani moslashtirish shart emas — dasturingiz chiqaradigan odatdagi ro'yxatni o'zgartirmasdan yuboraverasiz, bot uni o'zi tushunadi.
Fayl qabul qilinmasa, bot buni darhol aytadi — o'shanda «📞 Bog'lanish» orqali yozing, birga hal qilamiz.
Dorixonangizda qoldiq yuritilmasa, faqat narx bilan ishlash ham mumkin — bu holatni biz sozlab beramiz, «📞 Bog'lanish» orqali yozing.
───────────────────
BOTDAGI QOLGAN TUGMALAR
🏥 Mening dorixonam — holati, yuklangan dorilar soni va oxirgi yuklash vaqti ➕ Filial qo'shish — bir nechta dorixonangiz bo'lsa, har birini alohida qo'shasiz 📞 Bog'lanish — savol yoki muammo bo'lsa to'g'ridan-to'g'ri bizga yozasiz ℹ️ Yordam — qisqacha eslatma
───────────────────
TEZ-TEZ BERILADIGAN SAVOLLAR
Ulanish pullikmi? Hozir yo'q — ulangan kuningizdan boshlab 5 oy bepul.
Har kuni qo'lda yuklab turishim kerakmi? Yo'q. Excel — eng oddiy yo'li. Dorixonangizda kompyuter dasturi (POS) bo'lsa, qoldiqni avtomatik yuboradigan ulanish ham bor — «📞 Bog'lanish» orqali so'rang.
Litsenziya majburiymi? Ha. Ro'yxatdan o'tishda litsenziya raqami va hujjati so'raladi — bu mijoz uchun ishonch kafolati.
Ma'lumotni keyin o'zgartira olamanmi? Ha, botdagi «✏️ Tahrirlash» orqali.
Bir nechta filialim bor, hammasini qo'sha olamanmi? Ha, «➕ Filial qo'shish» orqali har birini alohida qo'shasiz va Excel yuklashda qaysi filialga ekanini tanlaysiz.
───────────────────
Savol qolsa — @captekahamkor_bot dagi «📞 Bog'lanish» tugmasi orqali yozing.